Monday, August 19, 2013

مشاهد من بعد الطوفان .. 2


 
اخيرا مصـــر بدون أخوان .. هكذا قال استاذ عبدالمقصود لصديقه الاستاذ رضا و هو يرجع بظهره للوراء نافخا دخان المعسل عاليا و على وجه ابتسامة كبيرة .. كانوا يتفرجوا على فض الاعتصام على تلفزيون القهوة .
  

وانت فاكر يا عبدالمقصود انهم هيروحوا بيتهم و يسكتوا .. دول هيولعوا البلد .. انت مش شايف الاخبار بتقول كام كنيسة اتحرقت فى الصعيد و هجوم على قسم كرداسة و كام واحد ماتوا .. و لســـه
يقتلوا اللى يقتلوه .. و يحرقوا اللى يحرقوه .. كله فدائا للبلد .
و هنفضل كدة لغاية امتى
اسبوع شهر او حتى سنـــة .. لكن فى الآخر هيخلصوا و يترموا فى السجون .. و اللى اتهد هيتبنى تانى .. مصـــر كبيـــرة يا رضا وعمرها ما هتقع ابدا


لم يقتنع استاذ رضا بهذا الكلام .. كان دائما يكره الاخوان و يتمنى فض اعتصاماتهم و لكنه يقلق دائما على هذا الشباب المتحمس للدفاع عن الاسلام .. المخدوع من حديث هؤلاء الشيوخ الملاعين الذين لا يهمهم الا السلطة ولا يهمهم اراقة دماء الشباب .. كيف سنبنى البلد و كل هذة الكراهية داخلنا .. المتشددون اليوم ارهابيون غدا .. ظل قلب استاذ رضا ينبض بالخوف من الغد .. و يدعو ربنا ان ما يراه الان ليس الا كابوس سيستيقظ منه غدا .


No comments:

Post a Comment